Ա՜խ, ի՜նչ լավ են սարի վըրա
Ա՜խ, ի՜նչ լավ են սարի վըրա
Անցնում օրերն, անո՜ւշ, անո՜ւշ,
Անըրջային, թեթևասահ
Ամպ ու հովերն անո՜ւշ, անո՜ւշ։
Ահա բացվեց թարմ առավոտ
Վարդ է թափում սարին-քարին,
Շաղ են շողում ծաղիկ ու խոտ,
Շընչում բուրմունք եդեմային։
Ա՜խ, ի՜նչ հեշտ են սարի վըրա
Սահում ժամերն անո՜ւշ, անո՜ւշ,
Շըվին փըչեց հովիվն ահա―
Աղջիկն ու սերն անո՜ւշ, անո՜ւշ։
Առաջադրանքներ
- Տեքստից դուրս գրել անծանոթ բառերը։
անըրջային – երազի նման
թեթևասահ – թեթևորեն սահող
շաղ – բույսերի վրա կուտակված ջրի կաթիլներ
եդեմային – դրախտային
- Սևով ընդգծված բառերը բառարանի օգնությամբ բացատրեք և բառակազմորեն վերլուծեք՝ առանձնցնելով՝ արմատները և ածանցները։
անըրջային – անուրջ + ային – երազի նման
թեթևասահ – թեթև + ա + սահել – թեթևորեն սահող
եդեմային – եդեմ + ային – դրախտային
- Ի՞նչ տրամադրություն է բանաստեղծությունը քեզ փոխանցում։
արշավային տրամադրություն
- Ո՞վ է իր օրերն ու ժամերը անցկացնում սարում /հուշումը գտիր բանաստեղծությունից/
Իր օրերն ու ժամերը սարում է անցկացնում հովիվը։
- Որտե՞ղ կամ ի՞նչ պայմանների առկայությամբ են քո օրերն ու ժամերը երջանիկ ու թեթև անցնում։
Մեր գյուղի տան այգում։
- Գրիր հետևյալ բառերի իմաստով մոտ բառեր /հոմանիշներ/՝ լավ, թեթևասահ, հով, առավոտ, շողալ, եդեմային, շվի, հովիվ։
լավ – հրաշալի, ընտիր
թեթևասահ – թեթևաքայլ
հով – զով
առավոտ – լուսաբաց
շողալ – փայլել
եդեմային – դրախտային
շվի – եղեգնափող, դուդուկ
հովիվ – գառնարած, չոբան