1․ Մայրենի բաժնի հղումը դնել և ներկայացնել, թե յուրաքանյուր ամիս մայրենիից քանի նյութ եք հրապարակել։
Սեպտեմբեր – 15 նյութ
Հոկտեմբեր – 17 նյութ
Նոյեմբեր – 16 նյութ
Դեկտեմբեր – 8 նյութ
https://samvelbabajanyan.edublogs.org/category/%d5%b4%d5%a1%d5%b5%d6%80%d5%a5%d5%b6%d5%ab/
2․ Սեպտեմբերից մինչև դեկտեմբեր լեզվական ո՞ր թեմաներն ենք ուսումնասիրել, դրանցից յուրաքանչյուրի մասին կարճ գրեք, թե ինչ եք հիշում։
Մենք անցել ենք հնչյունաբանություն, վանկ, բառագիտություն, բառի կազմություն, ձևաբանություն, ուղղագրություն և ուղղախոսություն։
Հնչյունաբանության լեզվական աշխատանքի ժամանակ մենք գրում էինք, թե տրված բառերը քանի հնչյուն են պարունակում և քանի տառ։
Վանկ լեզվական աշխատանքի ժամանակ մենք տրված բառերը վանկատում էինք։
Բառագիտություն լեզվական աշխատանքի ժամանակ մենք տրված արտահայտությունները գրում էինք մի բառով, տրված բառերը նախադասության մեջ որոշում էինք, թե ինչ իմաստով են կիրառված, գտնում էինք բառերի հոմանիշներն ու հականիշները։
Բառի կազմություն լեզվական աշխատանքի ժամանակ ցույց էինք տալիս բառը կազմող մասերը։ Որոշում էինք, թե որն է բառի արմատը, իսկ որն ածանցը։ Բառակապակցությունները փոխարինում էինք ածանցավոր բառերով։ Ինչ է արմատը, ածանցը, հոդակապը, որոնք են պարզ և բաղադրյալ բառերը։
Ձևաբանություն լեզվական աշխատանքի ժամանակ մենք հարցերին պատասխաններ էինք գրում։ Օրինակ ինչպես վազեց – արագ վազեց։
Ուղղագրություն և ուղղախոսությունում լեզվական աշխատանքի ժամանակ սովորել ենք ուղղագրություն։
3․ Առաջին ուսումնական շրջանում ի՞նչ հեղինակներ ենք ուսումնասիրել, նրանցից յուրաքանչյուրի մեկական ստեղծագործություն ներկայացրեք և գրեք, թե ինչու հենց դա եք ընտրել։
Ես ուսումնասիրել եմ Համո Սահյանի, Հովհաննես Թումանյանի, Վիլյամ Սարոյանի, Ջաննի Ռոդարիի ստեղծագործությունները։
Համո Սահյանի ստեղծագործություններից ես կընտրեմ <<Ձորից եկավ ինչ – որ ճիչ>> բանաստեղծությունը, որովհետև այս բանաստեղծության մեջ շատ գեղեցիկ նկարագրված է, թե ինչպես է բացվում առավոտը։
Ես նաև կառանձնացնեի Վիլյամ Սարոյանի <<Առաջին օրը դպրոցում>> պատմվածքը։ Պատմվածքը Ջիմի և իրենց տան տնտեսուհի Էմիի ապրումների մասին է։
Ուրբաթ – համերգի շրջանակում ընթերցեցինք Ջաննի Ռոդարիի փոքր պատմվածքները և <<Այ քեզ շաբաթ>> բանաստեղծությունը։
Մենք ուրբաթ – համերգի համար պատրաստեցինք նաև Հովհաննես Թումանյանի <<Սասունցի Դավիթ>> պոեմը։ Ես երբ դեռ փոքր էի, հայրիկս իմ համար ամեն երեկո ընթերցում էր պոեմից մի հատված, այդ պատճառով այս պոեմը ես դեռ մանկուց շատ-շատ եմ սիրում։ Իմ ամենասիրելի հատվածն է․
Առյուծ Մըհերը, զարմով դյուցազուն,
Քառասուն տարի իշխում էր Սասուն.
Իշխում էր ահեղ, ու նըրա օրով
Հավքն էլ չէր անցնում Սասմա սարերով։
Սասմա սարերից շա՜տ ու շատ հեռու
Թնդում էր նրա հռչակն ահարկու,
Խոսվում էր իր փառքն, արարքն անվեհեր.
Հազար բերան էր — մի Առյուծ-Մհեր։
4․ Ի՞նչ գրքեր եք կարդացել, դրանց մասին պատումները դրեք դրանց վերնագրերի վրա։
1․ Վախթանգ Անանյան – Հովազաձորի գերիները
2. Հովհաննես Թումանյան։ Մայրը
3. Ուսումնական ժամերգություն․ հոգևոր ընթերցանություն
4. Ջաննի Ռոդարի – Անտեսանելի Տոնինոյի արկածները
5․ Մայրենիի դասընթացի ընթացքում ունեցած գործունեություններից ձեզ ամենից շատ ո՞ր գործունեույթունն է հետաքրքրում, ինչո՞ւ /գործունեության տեսակներ՝ լեզվական, ընթերցանություն, աշխատանք տեքստի հետ, բանաստեղծություններ անգիր սովորել, քնարկումներ․․․/
Ես շատ եմ սիրում կատարել լեզվական աշխատանքներ, ինչպես նաև անգիրներ սովորել։
6․ Ի՞նչ նախագիծ կամ ինչպիսի՞ գործունեություն կավելացնեիք մայրենիի դասընթացին։ Հիմնավորեք առաջարկը։
Ես կավելացնեի Հայաստանի բարբառների մասին նախագիծ։
7․ Առաջին ուսումնական տարվա ընթացքում ի՞նչ չափածո ստեղծագործություններ եք սովորել, թվարկեք դրանք և ներկայացրեք ձեզ ամենից շատ դուր եկածները և հիմնավորեք ընտրությունը։
«Ձորից եկավ ինչ-որ ճիչ» – Համո Սահյան
«Հայաստան ասելիս» – Համո Սահյան
«Անտակ պարկը» – Ջաննի Ռոդարի
«Այ քեզ շաբաթ» – Ջաննի Ռոդարի
«Ի՞նչ կատարվեց… Երկնքում» – Համո Սահյան
«Սասունցի Դավիթ» պոեմ․ – Հովհաննես Թումանյան
Ես շատ եմ սիրում Սասունցի Դավիթ պոեմը։ 3-րդ առաջադրանքում գրել եմ արդեն, թե ինչու եմ շատ սիրում։
8․ Գնահատեք ձեր առաջին ուսումնական շրջանի մայրենիի գործունեությունը, անդրադարձեք նաև հետևյալ հարցերին՝
- Մայրենիի դասերը ձեզ հետաքրքի՞ր են /գնահատեք 1-5 միավորով/ լավ կլինի կցեք պատճառը։
Այո, ինձ մայրենիի դասերը հետաքրքիր են, որովհետև մենք տարբեր հայտնի գրողների պատմվածքներ ենք կարդում և ուրիշ հետաքրքիր բաներ։ Ես կգնահատեմ 5/5:
- Ինչպե՞ս եք կատարում մայրենիի առաջադրանքերը, ընտրեք պատասխաններից մեկը՝ /կատարում եմ ինքնուրույն, կատարում եմ ծնողներիս օգնությամբ, ձեր պատասխանը/
Ես կատարում եմ մայրենիի առաջադրանքերը մեծ մասամբ ինքնուրույն։
- մայրենիի ուսուցչուհին որքանով է արդյունավետ անցկացնում դասընթացն ըստ ձեզ /գնահատեք 1-5 միավորով/ լավ կլինի կցեք պատճառը։
Մայրենիի ուսուցչուհին շատ լավ է անցկանցնում դասընթացները։ Իմ կարծիքով դա նրանից է, որ նա դպրոցում շատ լավ է սովորել։ Ես կգնահատեմ 5/5:
9․ Լրացրեք առցանց հարցաթերթը
Լրացրել եմ։