Կար- չկար մի չարաճճի ու կատակասեր զատիկ կար։ Նրա անունը Պուտպուտիկ էր։ Մի օր Պուտպուտիկը որոշեց վախեցնել իր ընկեր բզեզին, որի անունը Բզբզիկ էր։ Նա մի տերև վերցրեց, վրան անցքեր արեց ու հագցրեց իր գլխին։ Սպասեց մինչև բզեզը մոտենա ու խոտերի արանքից դուրս թռավ բզեզի դիմաց։ Բզեզը վախեցավ, շփոթվեց ու ընկավ հարևան ծաղկի մեջ։ Բզեզը վախից ասաց․  

-Վա՜յ, այս ի՞նչ հրեշ է։  

Պուտպուտիկը գլխից հանեց տերևը և ասաց․

– Բզբզի՛կ, այդ ես եմ, Պուտպուտիկը։

-Պուտպուտի՛կ, ինչ՞ու ինձ վախեցրեցիր։

-Ես ուղղակի շատ եմ սիրում չարաճճիություններ անել։

Եվ երկու ընկեր մի լա՜վ ծիծաղեցին։