Իմ հայրենագիտական ամառը 2
Ամառային արձակուրդներին մենք ընտանիքով մեկնեցինք Կիպրոս հանգստի։
Կիպրոսի Հանրապետության մայրաքաղաքը Նիկոսիան է, այն կղզի պետություն է Արևելյան Միջերկրականում և երրորդ խոշորագույն ու երրորդ ամենաբնակեցված կղզին Միջերկրական ծովում, որը տեղակայված է Թուրքիայի հարավում, Սիրիայի և Լիբանանի արևմուտքում, Իսրայելի ու Պաղեստինի հյուսիս արևմուտքում, Եգիպտոսի հյուսիսում և Հունաստանի հարավ արևելքում։
Կիպրոսի հանրապետությունը բաժանված է երկու հիմնական մասերի, կղզու հարավային մասը գտնվում էԿիպրոսի հանրապետության վերահսկողության ներքո և կազմում է կղզու 59%-ը և հյուսիսը՝ կառավարում է ինքնահռչակ Հյուսիսային Կիպրոսի Թուրքական Հանրապետությունը, որը կազմում է կղզու մոտ 36%-ը։ Մյուս 4%-ը ՄԱԿ-ի բուֆերային գոտին է։
Կիպրոսի բնակչության մեծամասնությունը (մոտ 80 %) հույներ են, որոնց նախնիներն այստեղ բնակություն են հաստատել ավելի քան 3 հազար տարի առաջ, 18 %-ը թուրքեր են, որոնք այստեղ մուտք են գործել XVI դարում։ Հունաստանի հետ հույն-կիպրացիների միավորմանը շարունակաբար խոչընդոտել է կղզու փոքրաթիվ թուրքական համայնքը։
Մեր ինքնաթիռը վայրէջք կատարեց Լարնակա քաղաքում, ապա շարունակեցինք մեր ճանապարհը դեպի Պրոտարաս քաղաք, որը հայտնի է իր լողափերով։